العاديات
తెలుగు Translation with Arabic Quran Text
| తెలుగు | العربية |
|---|---|
|
1
వగర్చుతూ పరిగెత్తే గుర్రాల సాక్షిగా![1]
[1] 'దబ్'హన్: వగర్చుతూ.
|
وَٱلْعَٰدِيَٰتِ ضَبْحًۭا. ﴿1﴾ |
|
2
తమ ఖురాల తట్టులతో అగ్నికణాలు లేపేవాటి;[1]
[1] అల్-మారియాతు: అగ్నికణాలు లేపే! ఖద్'హున్: ఖరాల తట్టులు.
|
فَٱلْمُورِيَٰتِ قَدْحًۭا. ﴿2﴾ |
|
3
తెల్లవారుఝామున దాడి చేసేవాటి;[1]
[1] అల్-ము'గీరాతు: దాడి చేసేవాటి.
|
فَٱلْمُغِيرَٰتِ صُبْحًۭا. ﴿3﴾ |
|
4
(మేఘాల వంటి) దుమ్ము లేపుతూ;[1]
[1] అసా'ర: లేపుట, నఖ్'వున్: దుమ్ము.
|
فَأَثَرْنَ بِهِۦ نَقْعًۭا. ﴿4﴾ |
| 5 (శత్రువుల) సమూహంలో దూరిపోయే వాటి. | فَوَسَطْنَ بِهِۦ جَمْعًا. ﴿5﴾ |
|
6
నిశ్చయంగా, మానవుడు తన ప్రభువు పట్ల ఎంతో కృతఘ్నుడు.[1]
[1] కనూదున్: అంటే కఫూరున్, కృతఘ్నుడు.
|
إِنَّ ٱلْإِنسَٰنَ لِرَبِّهِۦ لَكَنُودٌۭ. ﴿6﴾ |
| 7 మరియు నిశ్చయంగా, దీనికి స్వయంగా అతడే సాక్షి. | وَإِنَّهُۥ عَلَىٰ ذَٰلِكَ لَشَهِيدٌۭ. ﴿7﴾ |
| 8 మరియు నిశ్చయంగా, అతడు సిరిసంపదల వ్యామోహంలో పూర్తిగా మునిగి ఉన్నాడు. | وَإِنَّهُۥ لِحُبِّ ٱلْخَيْرِ لَشَدِيدٌ. ﴿8﴾ |
|
9
ఏమిటి? అతనికి తెలియదా? గోరీలలో ఉన్నదంతా పెళ్ళగించి బయటికి తీయబడినప్పుడు;[1]
[1] అంటే గోరీలలో ఉన్న శవాలను సజీవులుగా చేసి లేపి సమావేశపరచబడినప్పుడు.
|
۞ أَفَلَا يَعْلَمُ إِذَا بُعْثِرَ مَا فِى ٱلْقُبُورِ. ﴿9﴾ |
| 10 మరియు (మానవుల) హృదయాలలోని విషయాలన్నీ వెల్లడి చేయబడినప్పుడు; | وَحُصِّلَ مَا فِى ٱلصُّدُورِ. ﴿10﴾ |
| 11 నిశ్చయంగా, ఆ రోజున వారి ప్రభువు వారిని గురించి అంతా తెలుసుకొని ఉంటాడని! | إِنَّ رَبَّهُم بِهِمْ يَوْمَئِذٍۢ لَّخَبِيرٌۢ. ﴿11﴾ |