നബീ, പ്രഖ്യാപിക്കുക: മനുഷ്യരുടെ രക്ഷാകര്‍ത്താവും രാജാവും ആരാധ്യനുമായവനോട്, ജനമനസ്സുകളില്‍ ദുര്‍ബോധനം നടത്തി മറഞ്ഞുകളയുന്ന മനുഷ്യ-ജിന്നുകളില്‍ പെട്ട ദുര്‍ബോധകരുടെ തിന്മകളില്‍ നിന്നു ഞാന്‍ കാവല്‍ തേടുന്നു1
1 വിശദീകരണം കാണുക
1. മനുഷ്യരുടെ രക്ഷാകര്‍ത്താവ്, മനുഷ്യരുടെ രാജാവ്, മനുഷ്യരുടെ ആരാധ്യന്‍ എന്നിങ്ങനെ മൂന്ന് സൂക്തങ്ങളിലും മനുഷ്യന്‍ (അന്നാസ്) എന്ന പദം ആവര്‍ത്തിച്ചിരിക്കുന്നത് അല്ലാഹുവിങ്കല്‍ അവനുള്ള വിവിധ തരം ബഹുമതികളുടെ സൂചനയായാണ്. ഇബ്‌ലീസാണ് മനുഷ്യന്റെ പ്രത്യക്ഷ ശത്രുവും ബദ്ധവൈരിയും- 28:15, 36:60. പിന്നെ, അവന്റെ സന്തതികള്‍, പൈശാചിക സ്വഭാവങ്ങള്‍ വെച്ചുപുലര്‍ത്തുകയും പ്രവര്‍ത്തനങ്ങള്‍ നിര്‍വഹിക്കുകയും ചെയ്യുന്ന മനുഷ്യപ്പിശാചുക്കള്‍ (6:112, 2:14) മുതലായവരുടെ സകലമാന തിന്മകളിലും ദ്രോഹങ്ങളിലും പ്രതിലോമ പ്രവര്‍ത്തനങ്ങളിലും നിന്നുള്ള കാവലാണ് ഇതിലൂടെ ചോദിക്കുന്നത്...