സൂറത്ത് അൽ ലൈൽ (Al-Layl), ഖുർആൻ അധ്യായം 92 — അറബി ആയത്തുകളും മലയാളം വിവർത്തനവും ഉൾപ്പെടെ 21 ആയത്തുകൾ വായിക്കുക. Read Surah Al-Layl with Arabic text and മലയാളം translation.
രാത്രിയെത്തന്നെയാണ് (സത്യം), അത് മൂടുമ്പോള്‍!
പകലിനെത്തന്നെയാണ് (സത്യം), അത് വെളിപ്പെടുമ്പോള്‍!
പുരുഷനെയും സ്ത്രീയെയും സൃഷ്ടിച്ചവനെത്തന്നെയാണ് (സത്യം);
നിശ്ചയമായും നിങ്ങളുടെ പ്രവര്‍ത്തനങ്ങള്‍ വിഭിന്നങ്ങളാകുന്നു.
അപ്പോള്‍ ആര്‍ (കൊടുക്കേണ്ടത്) കൊടുക്കുകയും (അല്ലാഹുവിനെ) സൂക്ഷിക്കുകയും,
ഏറ്റവും നല്ലതില്‍ വിശ്വസിക്കുകയും ചെയ്തുവോ,
അത്യന്തം എളുപ്പമായതിലേക്ക് അവന് നാം സൗകര്യം ചെയ്തുകൊടുക്കുന്നതാണ്.
ആര്‍ പിശുക്കു കാട്ടുകയും ധന്യത നടിക്കുകയും,
ഏറ്റവും നല്ലതിനെ നിഷേധിക്കുകയും ചെയ്തുവോ,
അത്യന്തം ഞെരുക്കമായതിലേക്ക് അവന് നാം സൗകര്യം ചെയ്തുകൊടുക്കുന്നതാണ്.
(നരകത്തില്‍) വീഴുമ്പോള്‍ തന്റെ ധനം അവന് (പ്രയോജനപ്പെടുന്നതല്ല).
തീര്‍ച്ചയായും മാര്‍ഗദര്‍ശനം ചെയ്യല്‍ നമ്മുടെ ചുമതലയാണ്.
നിശ്ചയമായും നമുക്കുള്ളതു തന്നെയാണ് പരലോകവും ഇഹലോകവും.
അതുകൊണ്ട് ആളിക്കത്തുന്ന അഗ്നിയെക്കുറിച്ച് ഞാനിതാ നിങ്ങള്‍ക്ക് താക്കീത് നല്‍കിയിരിക്കുന്നു.
പരമ ദുര്‍ഭഗന്‍ അല്ലാതെ അതില്‍ പ്രവേശിക്കുകയില്ല.
നിഷേധിക്കുകയും തിരിഞ്ഞുകളയുകയും ചെയ്തവനായ (പരമ ദുര്‍ഭഗന്‍).
വളരെ സൂക്ഷ്മതയുള്ളവന്‍ അതില്‍ നിന്ന് അകറ്റിനിറുത്തപ്പെടും.
പരിശുദ്ധി നേടുവാനായി തന്റെ ധനം കൊടുക്കുന്നവനായ (സൂക്ഷ്മതയുള്ളവന്‍).
പ്രത്യുപകാരം ചെയ്യേണ്ട യാതൊരു ഔദാര്യവും അവന്റെ അടുക്കല്‍ ആര്‍ക്കുമില്ല;
തന്റെ അത്യുന്നതനായ രക്ഷിതാവിന്റെ പ്രീതി നേടുക എന്നതല്ലാതെ.
പിന്നീട് അവന് തൃപ്തിയടയുകയും ചെയ്യും.