അശ്ശംസ് - الشمس - Ash-Shams

1

സൂര്യനും അതിന്റെ പ്രകാശവും തന്നെയാണ് (സത്യം),

وَٱلشَّمۡسِ وَضُحَىٰهَا ۝١

2

ചന്ദ്രനെത്തന്നെയാണ് (സത്യം), അത് സൂര്യനെ തുടര്‍ന്നു വരുമ്പോള്‍.

وَٱلۡقَمَرِ إِذَا تَلَىٰهَا ۝٢

3

പകലിനെത്തന്നെയാണ് (സത്യം), അത് സൂര്യനെ തെളിച്ചുകാണിക്കുമ്പോള്‍.

وَٱلنَّهَارِ إِذَا جَلَّىٰهَا ۝٣

4

രാത്രിയെത്തന്നെയാണ് (സത്യം), അത് സൂര്യനെ മൂടിപ്പൊതിയുമ്പോള്‍.

وَٱلَّيۡلِ إِذَا يَغۡشَىٰهَا ۝٤

5

ആകാശവും അത് സ്ഥാപിച്ചവനും തന്നെയാണ് (സത്യം),

وَٱلسَّمَآءِ وَمَا بَنَىٰهَا ۝٥

6

ഭൂമിയും അതിനെ പരത്തിയവനും തന്നെയാണ് (സത്യം),

وَٱلۡأَرۡضِ وَمَا طَحَىٰهَا ۝٦

7

ആത്മാക്കളും അവയെ അന്യൂനമായി ശരിപ്പെടുത്തിയവനും തന്നെയാണ് (സത്യം),

وَنَفۡسٖ وَمَا سَوَّىٰهَا ۝٧

8

എന്നിട്ട് അവയുടെ തിന്മയും നന്മയും അവക്ക് അവന്‍ തോന്നിച്ചുകൊടുക്കുകയും ചെയ്തിരിക്കുന്നു.

فَأَلۡهَمَهَا فُجُورَهَا وَتَقۡوَىٰهَا ۝٨

9

നിശ്ചയമായും അതിനെ (ആത്മാവിനെ) സംശുദ്ധമാക്കിയവന്‍ വിജയിച്ചു.

قَدۡ أَفۡلَحَ مَن زَكَّىٰهَا ۝٩

10

അതിനെ കളങ്കപ്പെടുത്തിയവന്‍ നിശ്ചയമായും പരാജയപ്പെടുകയും ചെയ്തു.

وَقَدۡ خَابَ مَن دَسَّىٰهَا ۝١٠

11

സമൂദ് ഗോത്രക്കാര്‍ അവരുടെ ധിക്കാരം മൂലം നിഷേധിച്ചു.

كَذَّبَتۡ ثَمُودُ بِطَغۡوَىٰهَآ ۝١١

12

അവരില്‍ ഏറ്റവും ദുര്‍ഭഗനായവന്‍ ധൃതിപ്പെട്ട് എഴുന്നേറ്റപ്പോള്‍.

إِذِ ٱنۢبَعَثَ أَشۡقَىٰهَا ۝١٢

13

നിങ്ങള്‍ അല്ലാഹുവിന്റെ ഒട്ടകത്തെയും അതിന്റെ വെള്ളംകുടിയെയും (സൂക്ഷിക്കുക-അതിന് തടസ്സമുണ്ടാക്കരുത്) എന്ന് അപ്പോള്‍ അല്ലാഹുവിന്റെ റസൂല്‍ (സ്വാലിഹ് നബി) അവരോട് പറഞ്ഞു.

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا ۝١٣

14

എന്നാല്‍, അവര്‍ അദ്ദേഹത്തെ നിഷേധിക്കുകയും അതിനെ കൊല്ലുകയുമാണ് ചെയ്തത്. അപ്പോള്‍ അവരുടെ കുറ്റം നിമിത്തം അവരുടെ റബ്ബ് അവരെ ഉന്മൂലനം ചെയ്തു. അത് അവരെല്ലാവര്‍ക്കും സമപ്പെടുത്തി. (ആരെയും ഒഴിവാക്കിയില്ല).

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا ۝١٤

15

അതിന്റെ അനന്തരഫലത്തെക്കുറിച്ച് അല്ലാഹു ഭയപ്പെട്ടതുമില്ല.

وَلَا يَخَافُ عُقۡبَٰهَا ۝١٥