അൽ ഖാരിഅ القارعة Al-Qariah

സൂറത്ത് അൽ ഖാരിഅ (Al-Qariah), ഖുർആൻ അധ്യായം 101 — അറബി ആയത്തുകളും മലയാളം വിവർത്തനവും ഉൾപ്പെടെ 11 ആയത്തുകൾ വായിക്കുക. Read Surah Al-Qariah with Arabic text and മലയാളം translation.

Language Malayalam source Surah

بِسْمِ ٱللَّهِ ٱلرَّحْمَٰنِ ٱلرَّحِيمِ

ഭയങ്കരമായ ആ സംഭവം.

ٱلۡقَارِعَةُ ۝١

ഭയങ്കരമായ സംഭവം എന്നാല്‍ എന്താകുന്നു?

مَا ٱلۡقَارِعَةُ ۝٢

ഭയങ്കരമായ സംഭവമെന്നാല്‍ എന്താണെന്ന് നിനക്കറിയുമോ?

وَمَآ أَدۡرَىٰكَ مَا ٱلۡقَارِعَةُ ۝٣

മനുഷ്യര്‍ ചിന്നിച്ചിതറിയ പാറ്റയെപ്പോലെ ആകുന്ന ദിവസം!

يَوۡمَ يَكُونُ ٱلنَّاسُ كَٱلۡفَرَاشِ ٱلۡمَبۡثُوثِ ۝٤

പര്‍വ്വതങ്ങള്‍ കടഞ്ഞു വിതറപ്പെട്ട പഞ്ഞു പോലെയും ആയിത്തീരും.

وَتَكُونُ ٱلۡجِبَالُ كَٱلۡعِهۡنِ ٱلۡمَنفُوشِ ۝٥

അപ്പോള്‍ ഏതൊരാളുടെ തുലാസുകള്‍ ഘനം തൂങ്ങിയോ

فَأَمَّا مَن ثَقُلَتۡ مَوَٰزِينُهُۥ ۝٦

അവന്‍ സംതൃപ്തമായ ജീവിതത്തിലായിരിക്കും.(1)

1) സല്‍കര്‍മങ്ങളുടെ തുലാസ്സു തട്ടുകള്‍ക്ക് ഘനമുണ്ടെങ്കില്‍ പരലോകത്ത് സംതൃപ്തമായ ജീവിതം ഉറപ്പാണെന്നര്‍ത്ഥം. കര്‍മങ്ങളുടെ തൂക്കവും, അത് കണക്കാക്കാനുള്ള തുലാസ്സും അദൃശ്യലോകത്തെ യാഥാര്‍ഥ്യങ്ങളെന്ന നിലയില്‍ വിശുദ്ധഖുര്‍ആന്‍ നമുക്ക് വെളിപ്പെടുത്തിത്തന്ന കാര്യങ്ങളാണ്. അതിന്റെ വിശദാംശങ്ങള്‍ ഈ ഭൗതിക ലോകത്തുവെച്ച് നമുക്ക് ഗ്രഹിക്കാനാവില്ല.

فَهُوَ فِي عِيشَةٖ رَّاضِيَةٖ ۝٧

എന്നാല്‍ ഏതൊരാളുടെ തുലാസുകള്‍ തൂക്കം കുറഞ്ഞതായോ

وَأَمَّا مَنۡ خَفَّتۡ مَوَٰزِينُهُۥ ۝٨

അവന്‍റെ സങ്കേതം ഹാവിയഃ ആയിരിക്കും.

فَأُمُّهُۥ هَاوِيَةٞ ۝٩

ഹാവിയഃ എന്നാല്‍ എന്താണെന്ന് നിനക്കറിയുമോ?

وَمَآ أَدۡرَىٰكَ مَا هِيَهۡ ۝١٠

ചൂടേറിയ നരകാഗ്നിയത്രെ അത്‌.

نَارٌ حَامِيَةُۢ ۝١١

അൽ ഖാരിഅ - القارعة - Al-Qariah

അൽ ഖാരിഅ القارعة Al-Qariah