സൂറത്ത് അൽ ഖിയാമ (Al-Qiyamah), ഖുർആൻ അധ്യായം 75 — അറബി ആയത്തുകളും മലയാളം വിവർത്തനവും ഉൾപ്പെടെ 40 ആയത്തുകൾ വായിക്കുക. Read Surah Al-Qiyamah with Arabic text and മലയാളം translation.
പുനരുത്ഥാനദിനം കൊണ്ട് ഞാന്‍ സത്യം ചെയ്തു പറയുന്നു.
ആക്ഷേപിക്കുന്ന ആത്മാവിനെ (അഥവാ മനസ്സിനെ) കൊണ്ടും ഞാന്‍ സത്യം ചെയ്തുപറയുന്നു: (നിശ്ചയമായും നിങ്ങള്‍ ഉയിര്‍ത്തെഴുന്നേല്‍പിക്കപ്പെടുന്നതാണ്.)
മനുഷ്യന്റെ എല്ലുകള്‍ (അവ ദ്രവിച്ചുപോയ ശേഷം) നാം ഒരുമിച്ചുകൂട്ടുകയില്ലെന്ന് അവന് വിചാരിക്കുന്നുണ്ടോ?
അതെ, അവന്റെ വിരലിന്റെ തലപ്പുകളെ(പ്പോലും) ശരിപ്പെടുത്തുവാന്‍ കഴിവുള്ളവരായിക്കൊണ്ട് (നാമത് ചെയ്യും).
പക്ഷേ, മനുഷ്യന്‍ തന്റെ ഭാവിയിലും നിഷേധം തുടരുവാന്‍ ഉദ്ദേശിക്കുന്നു.
ഖിയാമനാള്‍ എപ്പോഴാണെന്ന് അവന് ചോദിക്കുന്നു.
എന്നാല്‍ കണ്ണുകള്‍ (അന്ധാളിച്ചു) അഞ്ചിപ്പോകുകയും,
ചന്ദ്രന്റെ പ്രകാശം കെട്ടുപോകുകയും,
സൂര്യനും ചന്ദ്രനും ഒരുമിച്ചുകൂട്ടപ്പെടുകയും ചെയ്താല്‍,
'എവിടേക്കാണ് ഓടി രക്ഷപ്പെടേണ്ടത്' എന്ന് അന്നത്തെ ദിവസം മനുഷ്യന്‍ ചോദിക്കും.
അതില്ല. ഒരഭയസ്ഥാനം ഇല്ലേയില്ല.
താങ്കളുടെ രക്ഷിതാവിങ്കലേക്കാണ് അന്നത്തെ ദിവസം (എല്ലാവരുടെയും ചെന്നടങ്ങല്‍).
മനുഷ്യന്‍ മുമ്പ് ചെയ്തുവെക്കുകയും (ചെയ്യാതെ) പിന്നോട്ട് മാറ്റിവെക്കുകയും ചെയ്തതിനെപ്പറ്റി അന്നത്തെ ദിവസം അവന് വിവരം നല്‍കപ്പെടും.
അത്രയുമല്ല, മനുഷ്യന്‍ തന്നെ അവനെതിരില്‍ ഒരു തെളിവാണ്.
തന്റെ ഒഴികഴിവുകള്‍ അവന് സമര്‍പ്പിച്ചാലും ശരി.
(നബിയേ,) ഖുര്‍ആന്‍ ധൃതിപ്പെട്ട് കരസ്ഥമാക്കുവാനായി ഖുര്‍ആന്‍ കൊണ്ട് നാവിനെ താങ്കള്‍ ചലിപ്പിക്കേണ്ട.
അതിനെ (താങ്കളുടെ ഹൃദയത്തില്‍) ഒരുമിച്ചുകൂട്ടലും അത് ഓതിത്തരലും നമ്മുടെ ബാധ്യത തന്നെയാണ്.
അതുകൊണ്ട് അത് നാം ഓതിത്തന്നാല്‍ അതിന്റെ ഓത്ത് താങ്കള്‍ പിന്‍പറ്റിക്കൊള്ളുക.
പിന്നെ അത് വിശദീകരിക്കേണ്ടതും നമ്മുടെ ബാധ്യത തന്നെയാകുന്നു.
അതുവേണ്ടാ. പക്ഷേ, നിങ്ങള്‍ ഐഹിക ജീവിതത്തെ ഇഷ്ടപ്പെടുന്നു.
പരലോകജീവിതത്തെ വിട്ടുകളയുകയും ചെയ്യുന്നു.
അന്ന് ചില മുഖങ്ങള്‍ പ്രസന്നമായവയായിരിക്കും.
അവയുടെ രക്ഷിതാവിനെ നോക്കിക്കാണുന്നവയുമായിരിക്കും.
അന്ന് മറ്റു ചില മുഖങ്ങള്‍ (വിഷാദിച്ചു) ചുളുങ്ങിയവയുമായിരിക്കും.
അവയെക്കൊണ്ട് വല്ല അത്യാപത്തും ചെയ്യപ്പെടുമെന്ന് അവ ഉറപ്പായി ധരിക്കുന്നതുമാണ്.
അറിയുക, ആത്മാവ് തൊണ്ടക്കുഴിയില്‍ എത്തുകയും,
മന്ത്രിക്കുന്നവന്‍ ആരെങ്കിലുമുണ്ടോ എന്ന് ചോദിക്കപ്പെടുകയും,
ഇത് തന്റെ വേര്‍പാടു തന്നെയാണെന്ന് അവന് ഉറപ്പിക്കുകയും,
ഒരു കണങ്കാല്‍ മറ്റേ കണങ്കാലോടു കൂടി പിണയുകയും ചെയ്താല്‍,
അന്നത്തെ ദിവസം താങ്കളുടെ രക്ഷിതാവിങ്കലേക്കായിരിക്കും (അവനെ) കൊണ്ടുപോകുന്നത്.
അപ്പോള്‍ അവന് (സത്യത്തില്‍) വിശ്വസിച്ചിട്ടില്ല. നമസ്‌കരിച്ചിട്ടുമില്ല.
പക്ഷേ, അവന് (സത്യം) നിഷേധിക്കയും പിന്തിരിയുകയും ചെയ്തിരിക്കുന്നു.
അത്രയുമല്ല, അവന് തന്റെ കുടുംബക്കാരിലേക്ക് ദുരഭിമാനം നടിച്ചുകൊണ്ട് പോകുകയും ചെയ്തിരിക്കുന്നു.
(ഹേ മനുഷ്യാ, നീ വെറുക്കുന്ന കാര്യം) നിന്നെ സമീപിച്ചിരിക്കുന്നു. അത് നിനക്ക് ഏറ്റവും അവകാശപ്പെട്ടതു തന്നെ.
വീണ്ടും (നീ വെറുക്കുന്ന കാര്യം) നിന്നെ സമീപിച്ചിരിക്കുന്നു. അത് നിനക്ക് ഏറ്റവും അവകാശപ്പെട്ടതു തന്നെ.
മനുഷ്യന്‍ വിചാരിക്കുന്നുണ്ടോ അവന് വെറുതെയങ്ങ് വിടപ്പെടുമെന്ന്?
അവന് (ഗര്‍ഭാശയത്തില്‍) സ്രവിക്കപ്പെടുന്ന ഇന്ദ്രിയത്തില്‍ നിന്നുമുള്ള ഒരു ബിന്ദുവായിരുന്നില്ലേ?
പിന്നീടത് ഒരു രക്തപിണ്ഡമായി. എന്നിട്ട് അവനെ അല്ലാഹു (ഒരു മനുഷ്യനാക്കി) സൃഷ്ടിച്ച് ശരിപ്പെടുത്തി.
അങ്ങനെ അവന് അതിനാല്‍ ആണ്, പെണ്ണ് എന്നീ രണ്ട് ഇണകളെ ഉണ്ടാക്കി.
(അങ്ങനെയുള്ള) അവന് മരണപ്പെട്ടവരെ ജീവിപ്പിക്കുവാന്‍ കഴിവുള്ളവനല്ലേ?!