സൂറത്ത് അന്നാസിആത്ത് (An-Naziat), ഖുർആൻ അധ്യായം 79 — അറബി ആയത്തുകളും മലയാളം വിവർത്തനവും ഉൾപ്പെടെ 46 ആയത്തുകൾ വായിക്കുക. Read Surah An-Naziat with Arabic text and മലയാളം translation.
മുഴുകി പ്രവേശിച്ച് (നിര്‍ദയം) ഊരിയെടുക്കുന്നവയും,
വേഗതയില്‍ (സൗമ്യമായി) അഴിച്ചുവിടുന്നവയും,
ഒരു (ശക്തിയായ) ഒഴുക്ക് ഒഴുകി വരുന്നവയും,
എന്നിട്ട് മുന്നോട്ട് പോവുകയും,
കല്‍പന തിട്ടപ്പെടുത്തുകയും ചെയ്യുന്നവയും തന്നെയാണ് (സത്യം).
കിടിലം കൊള്ളിക്കുന്നത് കിടിലം കൊള്ളിക്കുന്ന ദിവസം (അതുണ്ടാകും).
അതിനെ പിന്തുടരുന്നത് തുടര്‍ന്നുവരുന്നതാണ്.
അന്നത്തെ ദിവസം ചില ഹൃദയങ്ങള്‍ പേടിച്ചു വിറക്കുന്നതും,
അവയുടെ (ആള്‍ക്കാരുടെ) കണ്ണുകള്‍ താഴ്മ ചെയ്യുന്നതുമായിരിക്കും.
അവര്‍ ചോദിക്കുന്നു: നാം ഖബ്‌റുകളില്‍ ആയിരിക്കെ മുന്‍സ്ഥിതിയിലേക്ക് മടക്കപ്പെടുന്നവര്‍ തന്നെയാകുമോ?
നാം ജീര്‍ണ്ണിച്ച എല്ലുകളായിത്തീര്‍ന്നാലും?
അവര്‍ പറയുന്നു: 'അങ്ങനെയാണെങ്കില്‍ നഷ്ടകരമായ ഒരു തിരിച്ചുവരല്‍ തന്നെയായിരിക്കും അത്.'
എന്നാല്‍ അത് ഒരേയൊരു ഭയങ്കര ശബ്ദം മാത്രമായിരിക്കും.
അപ്പോള്‍ അവരതാ ഭൂമിക്ക് മുകളിലായിരിക്കുന്നു.
(നബിയേ,) മൂസായുടെ വര്‍ത്തമാനം താങ്കള്‍ക്ക് വന്നിട്ടുണ്ടോ?
ഥുവാ എന്ന പരിശുദ്ധ താഴ്‌വരയില്‍ വെച്ച് തന്റെ റബ്ബ് അദ്ദേഹത്തെ വിളിച്ചുപറഞ്ഞ സന്ദര്‍ഭം (ഉള്ള വര്‍ത്തമാനം.)
താങ്കള്‍ ഫിര്‍ഔന്റെ അടുക്കലേക്ക് പോവുക; നിശ്ചയമായും അവന് (ധിക്കാരത്തില്‍) അതിരു കവിഞ്ഞിരിക്കുന്നു.
എന്നിട്ട് (ഇങ്ങനെ ചോദിക്കുക:) പരിശുദ്ധി പ്രാപിക്കുന്നതിന് നീ ഒരുക്കമുണ്ടോ?
രക്ഷിതാവിങ്കലേക്ക് ഞാന്‍ നിന്നെ വഴി കാണിക്കുകയും അങ്ങനെ അവനെ ഭയപ്പെടുകയും ചെയ്യുന്നതിനും (നീ ഒരുക്കമുണ്ടോ?)
അങ്ങനെ അദ്ദേഹം അവന് ആ വലിയ ദൃഷ്ടാന്തം കാണിച്ചുകൊടുത്തു.
അപ്പോള്‍ അവന് നിഷേധിക്കുകയും അനുസരണക്കേട് കാണിക്കുകയും ചെയ്തു.
പിന്നീട് അവന് (അദ്ദേഹത്തിനെതിരില്‍) പരിശ്രമിക്കുന്നവനായുംകൊണ്ട് പിന്തിരിഞ്ഞുപോയി.
അങ്ങനെ അവന് (തന്റെ ജനങ്ങളെ) ശേഖരിച്ചു. എന്നിട്ടവന്‍ വിളിച്ചു.
എന്നിട്ടവന്‍ പറഞ്ഞു: ഞാനാണ് നിങ്ങളുടെ സമുന്നതനായ രക്ഷിതാവ്.
തന്നിമിത്തം പരലോകത്തിന്റെയും ഇഹലോകത്തിന്റെയും ശിക്ഷാനടപടിയായി അല്ലാഹു അവനെ പിടിച്ചു(ശിക്ഷിച്ചു).
നിശ്ചയമായും ഭയപ്പെടുന്നവര്‍ക്ക് അതില്‍ ഒരു വലിയ പാഠമുണ്ട്.
സൃഷ്ടിക്കപ്പെടുവാന്‍ കൂടുതല്‍ പ്രയാസപ്പെട്ടവര്‍ നിങ്ങളാണോ അതല്ല ആകാശമോ? അതിനെ അവന് നിര്‍മിക്കുകയും,
അതിന്റെ കട്ടിയെ ഉയര്‍ത്തുകയും അങ്ങനെ അതിനെ ശരിപ്പെടുത്തുകയും ചെയ്തിരിക്കുന്നു.
അതിന്റെ രാവിനെ അവന് ഇരുട്ടാക്കുകയും പകലിനെ പ്രകാശമുള്ളതാക്കുകയും ചെയ്തു.
അതിനു ശേഷം ഭൂമിയെ അവന് പരത്തി.
അതിലെ (ഉറവു) വെള്ളവും തീറ്റസാധനങ്ങളും അതില്‍ നിന്നവന്‍ ഉല്‍പാദിപ്പിച്ചു.
പര്‍വതങ്ങളെ അതില്‍ ഉറപ്പിക്കുകയും ചെയ്തു.
നിങ്ങള്‍ക്കും നിങ്ങളുടെ കാലികള്‍ക്കും ഉപയോഗത്തിനുവേണ്ടി(യാണ് ഇതെല്ലാം ഉല്‍പാദിപ്പിച്ചത്).
എന്നാല്‍, ഏറ്റവും വലിയ ആ വിപത്ത് വന്നാല്‍
അതായത് താന്‍ പ്രവര്‍ത്തി(ച്ചുവെ)ച്ചതിനെക്കുറിച്ച് മനുഷ്യന്‍ ഓര്‍മിക്കുന്ന ദിവസം.
നോക്കിക്കാണുന്നവര്‍ക്ക് (കാണുവാന്‍) വേണ്ടി നരകം വെളിക്കു കൊണ്ടുവരപ്പെടുകയും ചെയ്യുന്ന (ദിവസം).
അപ്പോള്‍ (ധിക്കാരത്തില്‍) അതിരുവിടുകയും,
ഐഹിക ജീവിതത്തിന് പ്രാധാന്യം കൊടുക്കുകയും ചെയ്തവന്‍ ആരോ,
നരകം തന്നെയാണ് (അവന്റെ) സങ്കേതം, തീര്‍ച്ച.
തന്റെ റബ്ബിന്റെ സ്ഥാനം ഭയപ്പെടുകയും മനസ്സിനെ ദേഹേച്ഛയില്‍ നിന്ന് തടയുകയും ചെയ്തവനാരോ,
നിശ്ചയമായും സ്വര്‍ഗം തന്നെയാണ് (അവന്റെ) സങ്കേതം.
(നബിയേ,) അന്ത്യഘട്ടത്തെക്കുറിച്ച്-അതെപ്പോഴാണ് സംഭവിക്കുക എന്ന്- താങ്കളോടവര്‍ ചോദിക്കുന്നു.
അത് പറഞ്ഞുകൊടുക്കുന്നതിനെപ്പറ്റി എന്തു നിലയിലാണ് താങ്കളുള്ളത്? (അത് താങ്കള്‍ക്കറിയില്ലല്ലോ.)
അതിന്റെ കലാശം താങ്കളുടെ രക്ഷിതാവിങ്കലേക്കാകുന്നു. (അത് അവനു മാത്രമേ അറിഞ്ഞുകൂടൂ.)
നിശ്ചയമായും അതിനെ ഭയപ്പെടുന്നവനെ താക്കീത് ചെയ്യുന്ന ആള്‍ മാത്രമാണ് താങ്കള്‍.
അതിനെ അവര്‍ കാണുന്ന ദിവസം ഒരു സായാഹ്ന(സമയ)മോ അതിന്റെ പൂര്‍വാഹ്ന(സമയ)മോ അല്ലാതെ അവര്‍ (ഇഹത്തില്‍) താമസിച്ചിട്ടില്ലെന്ന് അവര്‍ക്ക് തോന്നും. (അത്രയും ഭയങ്കരമായിരിക്കും അത്.)