മറ്റുള്ളവരെ ഗുരുതരമായി ദൂഷണം പറയുകയും ഇടിച്ചു താഴ്ത്തുകയും ചെയ്യുന്ന, ധനം ശേഖരിച്ചുവെച്ച് എണ്ണിക്കണക്കാക്കിക്കൊണ്ടിരിക്കുന്ന സര്‍വര്‍ക്കും മഹാനാശം! സമ്പത്ത് തന്നെ ശാശ്വതനാക്കിയിരിക്കുന്നു എന്നാണ് അവന്റെ ധാരണ. അതുവേണ്ട, ഹുഥമ യിലേക്ക് അവന്‍ തള്ളിവിടപ്പെടുക തന്നെ ചെയ്യും. ' ഹുഥമ ' എന്താണെന്ന് അങ്ങേക്കറിയാമോ? അല്ലാഹുവിന്റെ ജ്വലിപ്പിക്കപ്പെടുന്ന അഗ്നിയാണത്; ഹൃദയങ്ങളെ അതാവരണം ചെയ്യും. നീട്ടി നിര്‍മിക്കപ്പെട്ട സ്തംഭങ്ങളില്‍ അതവര്‍ക്കു മീതെ മൂടപ്പെട്ടതായിരിക്കും1
1 വിശദീകരണം കാണുക
1. മക്കയിലെ സമ്പന്നനും ധിക്കാരിയുമായിരുന്ന അഖ്‌നസുബ്‌നു ശരീഖ് എന്ന വിധ്വംസകന്റെ വിഷയത്തിലാണ് ഇതവതരിച്ചത്. എങ്കിലും ഈ പിന്തിരിപ്പന്‍ ലക്ഷണങ്ങളുള്ള സര്‍വരും ഇതിന്റെ പരിധിയില്‍ വരും. അഹംഭാവവും അന്യരെ നിസ്സാരമാക്കലും തന്‍പോരിമയുമായിരിക്കും ഇത്തരക്കാരുടെ മുഖമുദ്ര. അല്ലാഹു ഒട്ടുമേ ഇവയൊന്നും ഇഷ്ടപ്പെടില്ല. നരകത്തിന്റെ വിവിധ പേരുകളിലൊന്നാണ് അല്‍ഹുഥമ.