അൽ ജിന്ന് - الجن - Al-Jinn

നബീ, പറയുക: ഒരു സംഘം ജിന്നുകള്‍ ഖുര്‍ആന്‍ ശ്രദ്ധാപൂര്‍വം കേള്‍ക്കുകയുണ്ടായി എന്ന് എനിക്ക് ദിവ്യസന്ദേശം ലഭിച്ചു¹
എന്നിട്ട്, സ്വന്തം സമൂഹത്തിന്ന് അവര്‍ ഉദ്‌ബോധനം നല്കിന: 'സല്പ്ന്ഥാവിലേക്ക് വഴികാട്ടുന്ന അദ്ഭുതകരമായ ഒരു ഖുര്ആ‌ന്‍ ഞങ്ങള്‍ ശ്രവിക്കുകയും തന്മൂലം ഞങ്ങളതില്‍ വിശ്വസിക്കുകയും ചെയ്തിരിക്കുന്നു. ഇനി മേല്‍ നാഥനോട് ഒരാളെയും ഞങ്ങള്‍ പങ്കാളികളാക്കുകയേയില്ല, തീര്ച്ചങ. നമ്മുടെ നാഥന്റെ മഹത്ത്വം അത്യുന്നതമാകുന്നു; അവന്‍ സഹധര്മിനണിയെയോ സന്താനത്തെയോ വരിച്ചിട്ടില്ല.

'ഞങ്ങളിലെ മൂഢന്മാര്‍ അല്ലാഹുവിനെക്കുറിച്ച് അതിരുകടന്ന് അഭിപ്രായപ്രകടനം നടത്തുമായിരുന്നു.²
മനുഷ്യരും ജിന്നുകളും അല്ലാഹുവിന്റെ പേരില്‍ നുണപറയുകയില്ലെന്ന് ഞങ്ങള്‍ വിചാരിച്ചു. ചില മനുഷ്യര്‍ ജിന്നുകളിലെ ചിലരോട് അഭയമര്‍ത്ഥിക്കാറുണ്ടായിരുന്നുവെന്നത് അവര്‍ക്ക് അഹന്ത വര്‍ധിപ്പിക്കുകയും മരണാനന്തരം അല്ലാഹു ആരെയും പുനര്‍ജീവിപ്പിക്കുകയില്ലെന്ന് നിങ്ങളെപ്പോലെ അവരും വിശ്വസിക്കയുമുണ്ടായി. ഞങ്ങള്‍ ആകാശത്തെ സമീപിച്ചു. അപ്പോഴത് ശക്തരായ കാവല്‍ക്കാരാലും അഗ്നിജ്വാലകളാലും നിര്‍ഭരമാണെന്ന് ഞങ്ങള്‍ കണ്ടു. ആകാശത്തെ ചിലേടങ്ങളില്‍ കട്ടുകേള്‍ക്കാന്‍ ഞങ്ങളിരിക്കാറുണ്ടായിരുന്നു; എന്നാല്‍ ഇപ്പോഴാരെങ്കിലും അങ്ങനെ ശ്രവിക്കുന്നുവെങ്കില്‍ തന്നെ കാത്തിരിക്കുന്ന തീജ്വാല അവനു നേരിടേണ്ടി വരും'³

'ഭൂനിവാസികളുടെ കാര്യത്തില്‍ തിന്മയാണോ ഉദ്ദേശിക്കപ്പെട്ടിരിക്കുന്നത്, അതോ നാഥന്‍ അവര്‍ക്ക് സന്മാര്‍ഗ ദര്‍ശനം നല്‍കാനാണോ വിചാരിച്ചിട്ടുള്ളത് എന്ന് ഞങ്ങള്‍ക്കറിയില്ല. ഞങ്ങളാകട്ടെ, സച്ചരിതന്മാരും അതില്‍ താഴെയുള്ളവരും ഞങ്ങളിലുണ്ട്-ഭിന്ന വഴിക്കാരായിരിക്കുന്നു. ഭൂമിയില്‍ വെച്ച് അല്ലാഹുവിനെ പരാജയപ്പെടുത്താന്‍ കഴിയില്ലെന്നും അവനില്‍ നിന്നു ഒളിച്ചോടി അശക്തനാക്കാനാകില്ലെന്നും ഞങ്ങള്‍ ഗ്രഹിച്ചു.'⁴

'നേര്‍വഴിയുടെ സന്ദേശം ശ്രവിച്ചപ്പോള്‍ അതില്‍ ഞങ്ങള്‍ വിശ്വസിച്ചു. അപ്പോള്‍, തന്റെ നാഥനില്‍ ആരൊരാള്‍ വിശ്വസിക്കുന്നുവോ, അവന്‍ യാതൊരു അവകാശ ലംഘനവും അനീതിയും പേടിക്കേണ്ട. ഞങ്ങളില്‍ അനുസരണപൂര്‍ണമായ ജീവിതം നയിക്കുന്നവരും അനീതി പ്രവര്‍ത്തിക്കുന്നവരുമുണ്ട്; എന്നാല്‍ അനുസരണശാലികള്‍ ആരോ, അവര്‍ നേര്‍വഴി ലക്ഷീകരിച്ചവരായി; അക്രമം ചെയ്യുന്നവരാകട്ടെ, നരകാഗ്നിയുടെ ഇന്ധനമായിത്തീരുന്നതാണ്.'

(എനിക്ക് ഇങ്ങനെയും ബോധനം കിട്ടി:)⁵
ഈ ഇസ്‌ലാമിക പന്ഥാവില്‍ അടിയുറച്ചുനിലകൊണ്ടാല്‍, അവരെ പരീക്ഷിക്കാനായി നാം അവര്‍ക്ക് ധാരാളം പാനജലം നല്‍കുന്നതാണ്.⁶
തന്റെ നാഥന്റെ ഉദ്‌ബോധനം ആര് അവഗണിക്കുന്നുവോ അയാളെ ഗുരുതര ശിക്ഷയില്‍ അവന്‍ പ്രവേശിപ്പിക്കും. മസ്ജിദുകള്‍ അല്ലാഹുവിനുള്ളതാകയാല്‍ അവനൊന്നിച്ച് മറ്റാരെയും നിങ്ങള്‍ ആരാധിക്കരുത്. അല്ലാഹുവിന്റെ അടിമയായ റസൂല്‍ പ്രാര്‍ത്ഥനക്കായി നിന്നപ്പോള്‍ ശത്രുക്കള്‍ ചുറ്റും തിങ്ങിക്കൂടാന്‍ തുടങ്ങി.⁷

നബീ, പ്രഖ്യാപിക്കുക: എന്റെ രക്ഷിതാവിനെ മാത്രമേ ഞാനാരാധിക്കൂ; ഒരാളെയും പങ്കാളിയാക്കില്ല. നിങ്ങള്‍ക്ക് ദ്രോഹം ചെയ്യാനോ മാര്‍ഗദര്‍ശനമേകാനോ ഉള്ളകഴിവ് ഞാനധീനപ്പെടുത്തുന്നില്ല. അല്ലാഹുവിന്റെ ശിക്ഷയില്‍ നിന്ന് ഒരാളുമെനിക്ക് സുരക്ഷ തരികയോ അവനല്ലാത്ത ഒരു അഭയകേന്ദ്രമെനിക്ക് കണ്ടെത്താനാവുകയോ ഇല്ല. അല്ലാഹുവിങ്കല്‍ നിന്നുള്ള പ്രബോധനവും അവന്റെ സന്ദേശങ്ങളും മാത്രമേ എന്റെ പക്കലുള്ളു; അല്ലാഹുവിനോടോ റസൂലിനോടോ ആരെങ്കിലും ധിക്കാരം കാട്ടുന്നുവെങ്കില്‍ ശാശ്വത നരകമാണവന്നുള്ളത്. അങ്ങനെ തങ്ങളോട് മുന്നറിയിപ്പ് നല്‍കപ്പെട്ടതവര്‍ കണ്ടു കഴിഞ്ഞാല്‍ ബോധ്യപ്പെടും, ആരുടെ സഹായികളാണ് ബലഹീനരും ന്യൂനപക്ഷവുമെന്ന്.⁸

നബീ, പ്രഖ്യാപിക്കുക: നിങ്ങള്‍ക്ക് മുന്നറിയിപ്പ് നല്‍കപ്പെട്ട കാര്യം സമീപസ്ഥമാണോ, അതല്ല നാഥന്‍ വല്ല താമസവും വരുത്തുമോ എന്നെനിക്കറിയില്ല. അദൃശ്യജ്ഞാനമുള്ളവനാണവന്‍; തന്റെ രഹസ്യം -താനിഷ്ടപ്പെട്ട ദൂതന്നല്ലാതെ-മറ്റാര്‍ക്കും അവന്‍ വെളിപ്പെടുത്തില്ല.⁹
ആ ദൂതനു തന്നെ മുന്നിലും പിന്നിലും അവന്‍ പാറാവുകാരെ നിശ്ചയിക്കും-തങ്ങളുടെ നാഥന്റെ ദൗത്യം അവര്‍ നിര്‍വഹിച്ചിട്ടുണ്ടെന്ന് കണ്ടറിയാന്‍. അവരുടെ പക്കലുള്ളതത്രയും അവന്ന് സമ്പൂര്‍ണമായി അറിയാം. അഖില വസ്തുക്കളുടെയും എണ്ണം അവന്‍ നിജപ്പെടുത്തിയിരിക്കുന്നു.