നബീ, പ്രഖ്യാപിക്കുക: ഹേ നിഷേധികളേ, നിങ്ങള്‍ ആരാധിച്ചു കൊണ്ടിരിക്കുന്നവയെ ഞാന്‍ ആരാധിക്കുന്നില്ല; ഞാന്‍ ആരാധിക്കുന്നവനെ നിങ്ങളും ആരാധിക്കുന്നവരല്ല. നിങ്ങളുടെ ആരാധ്യരെ ഞാന്‍ ആരാധിക്കാന്‍ പോകുന്നുമില്ല. ഞാന്‍ ആരാധിക്കുന്നവനെ നിങ്ങളും ആരാധിക്കാന്‍ പോകുന്നില്ല. നിങ്ങള്‍ക്ക് നിങ്ങളുടെ മതം, എനിക്ക് എന്റെ മതം1
1 വിശദീകരണം കാണുക
1. ബഹുദൈവ വിശ്വാസികള്‍ ഒരിക്കല്‍ നബി(സ്വ)യെ ഒരു സന്ധിക്ക് ക്ഷണിച്ചു. അവര്‍ സമര്‍പ്പിച്ച പദ്ധതി ഇതായിരുന്നു: അവര്‍ നബിയുടെ ആരാധ്യനെ ഒരു കൊല്ലം ആരാധിക്കുക; പകരം നബി ഒരു വര്‍ഷക്കാലം അവരുടെ ബഹുദൈവങ്ങളെ ആരാധിക്കുക! ഈ ബുദ്ധിശൂന്യ നിര്‍ദ്ദേശത്തിന്റെ പശ്ചാത്തലത്തിലാണ് അധ്യായാവതരണം. ഇപ്പോഴോ ഭാവിയിലോ, ഞാന്‍ നിങ്ങളുടെ ദൈവങ്ങളെ ആരാധിക്കില്ല; സ്ഥിരം ധിക്കാരികളും ബഹുദൈവ വിശ്വാസികളുമാകയാല്‍ അല്ലാഹുവിനെ നിങ്ങളും ആരാധിക്കില്ല.