രാത്രിയെ തന്നെ സത്യം, അത് ഭൂതലത്തെ ആവരണം ചെയ്യുമ്പോള്‍; പകലിനെ തന്നെ സത്യം, അത് വെളിപ്പെടുമ്പോള്‍; പുരുഷനെയും സ്ത്രീയെയും സൃഷ്ടിച്ച മഹച്ഛക്തിയെ തന്നെ സത്യം-നിശ്ചയം നിങ്ങളുടെ കര്‍മങ്ങള്‍ വ്യത്യസ്ത രീതിയിലുള്ളതത്രേ1
എന്നാല്‍ ഏതൊരു വ്യക്തി ദാനം ചെയ്യുകയും ജീവിതത്തില്‍ സൂക്ഷ്മത പുലര്‍ത്തുകയും അത്യുദാത്തമായ സ്വര്‍ഗത്തെ അംഗീകരിക്കുകയും ചെയ്തുവോ, വിജയത്തിന്റെ വഴി അവനു നാം സുഗമമാക്കിക്കൊടുക്കുന്നതാണ്2
2 വിശദീകരണങ്ങൾ കാണുക
1. മനുഷ്യര്‍ ഒരു മാതാപിതാക്കളുടെ മക്കളാണ്; എല്ലാവരുടെയും ലക്ഷ്യം ശാന്തിയും സമാധാനവും വിജയവും. എന്നാല്‍ പ്രവര്‍ത്തന രീതികള്‍ പരിശോധിച്ചാല്‍ അവ നൂറുനൂറായിരം തരത്തിലുള്ളതാണ്. മേല്‍പറഞ്ഞ ശോഭനമായ ലക്ഷ്യത്തിലെത്തിച്ചേരാന്‍ പര്യാപ്തമായ മാര്‍ഗമാണ് ഇവിടെ വിശദീകരിക്കാന്‍ പോകുന്നത്.
2. സത്യവിശ്വാസം കൈക്കൊള്ളുക, ജീവിതത്തില്‍ സൂക്ഷ്മത പുലര്‍ത്തുക, ദാന-ധര്‍മാദികള്‍ ചെയ്യുക, പാരത്രിക ജീവിതത്തിലും സ്വര്‍ഗ-നരകങ്ങളിലും വിശ്വസിക്കുക തുടങ്ങിയ സുപ്രധാന ലക്ഷണങ്ങളുള്ളവര്‍ക്ക് പ്രയാസരഹിതമായി ജീവിതം നയിക്കാനും പാരത്രിക വിജയം നേടാനും കഴിയും എന്നു വിവക്ഷ.