33–54
പിന്തിരിഞ്ഞുപോയ ഒരു വ്യക്തിയെ താങ്കള്‍ കണ്ടുവോ? കുറച്ച് അവന്‍ ദാനം ചെയ്യുകയും എന്നിട്ടത് നിറുത്തുകയുമുണ്ടായി. അവന്ന് അദൃശ്യവിവരമുണ്ടായിട്ട് അതുവഴി വസ്തുത കണ്ടറിഞ്ഞുകൊണ്ടിരിക്കുകയാണോ?.7
അതല്ല, മൂസാനബിയുടെയും ബാധ്യതകള്‍ പൂര്‍ത്തീകരിച്ച ഇബ്‌റാഹീം നബിയുടെയും ഗ്രന്ഥത്തിലുള്ളത് സംബന്ധിച്ച് അവന്ന് അറിവു ലഭിച്ചിട്ടില്ലേ?- പാപം പേറുന്ന ഒരാളും മറ്റൊരാളുടെ കുറ്റം വഹിക്കയില്ല; താന്‍ അനുവര്‍ത്തിച്ചതേ മനുഷ്യനുണ്ടാകൂ;8
അവന്റെ കര്‍മരേഖ പിന്നീടവന്ന് സമര്‍പ്പിക്കപ്പെടുകയും ശേഷം പൂര്‍ണ പ്രതിഫലം നല്‍കപ്പെടുകയും ചെയ്യും; താങ്കളുടെ നാഥങ്കലേക്കാണ് എല്ലാം ചെന്നെത്തുന്നതും അവന്‍ തന്നെയാണ് ചിരിപ്പിക്കുന്നതും കരയിക്കുന്നതും മരിപ്പിക്കുന്നതും ജീവിപ്പിക്കുന്നതും; ഗര്‍ഭാശയത്തില്‍ സ്രവിപ്പിക്കപ്പെടുന്ന ബീജത്തില്‍ നിന്ന് ആണും പെണ്ണുമായ ജോടികളെ അവനാണ് സൃഷ്ടിച്ചത്; മറ്റൊരു പുനരുത്ഥാനം അവന്റേതുതന്നെ; സമ്പന്നനാക്കുന്നതും ദരിദ്രനാക്കുന്നതും ചോതി നക്ഷത്രത്തിന്റെ നാഥനും അവനാണ്;9
ഒന്നും അവശേഷിപ്പിക്കാതെ ആദിമജനപഥമായ ആദിനെയും സമൂദ് ഗോത്രത്തെയും മുമ്പ് നൂഹ് നബിയുടെ ജനത-അവര്‍ കടുത്ത അതിക്രമവും ധിക്കാരവും കാട്ടി-യെയും കീഴ്‌മേല്‍ മറിഞ്ഞ സദൂം നാട്ടിനെയും-അങ്ങനെ അന്നാടിനെ ഗുരുതര നാശം ആവരണം ചെയ്തു-സംഹരിച്ചു കളഞ്ഞത് അല്ലാഹുവാണ് എന്നൊന്നും അവന്നറിയില്ലേ?
3 വിശദീകരണങ്ങൾ കാണുക
7. വലീദുബ്‌നുല്‍മുഗീറ എന്ന മുശ്‌രിക്ക് നേതാവിനെക്കുറിച്ചാണ് സൂക്തങ്ങളവതരിച്ചത്. ഒരിക്കലയാള്‍ നബി(സ്വ)യില്‍ നിന്ന് ഖുര്‍ആന്‍ ശ്രവിച്ച് മനഃപരിവര്‍ത്തന വിധേയനായി. 'അല്ലാഹുവിന്റെ ക്രോധവും ശിക്ഷയും ഞാന്‍ ഭയപ്പെടുന്നു' എന്നയാള്‍ പറഞ്ഞപ്പോള്‍ മറ്റൊരു മുശ്‌രിക്ക് പ്രതികരിച്ചു. 'എനിക്കു നീ നിശ്ചിത സംഖ്യ തന്നാല്‍ അത് ഞാന്‍ ഏറ്റെടുക്കാം'. അങ്ങനെ തന്റെ പരലോക ശിക്ഷ വഹിക്കാനായി വലീദ് അയാള്‍ക്ക് കുറച്ചു പണം കൊടുത്തു; പിന്നെ ബാക്കി കൊടുത്തതുമില്ല. ഇസ്‌ലാമിനോടുണ്ടായ ആഭിമുഖ്യം കൈവെടിയുകയും ചെയ്തു. ഈ ലക്ഷണങ്ങളുള്ള സര്‍വരും ഈ സൂക്തങ്ങളുടെ പരിധിയില്‍ വരുന്നതാണ്.
8. ഒരു സത്യവിശ്വാസിയെ സംബന്ധിച്ചിടത്തോളം പരലോകത്ത് തനിക്ക് ലഭിക്കുമെന്ന് ഉറപ്പിക്കാവുന്നത് സ്വന്തം സല്‍കര്‍മങ്ങള്‍ മാത്രമാണ്, മറ്റാരെങ്കിലും തനിക്കു വേണ്ടി എന്തെങ്കിലും ചെയ്യുമോ എന്നു ഒരു ഉറപ്പുമില്ലല്ലോ-ഇത്രയേ ഇതിനര്‍ത്ഥമുള്ളു. മറ്റുള്ളവര്‍ ചെയ്യുന്നതിന്റെ പ്രതിഫലവും വിശ്വാസിക്ക് ലഭിക്കുകയും ഫലപ്പെടുകയും ചെയ്യുമെന്നാണ് ഇസ്‌ലാമിന്റെ അധ്യാപനം. പരേതര്‍ക്കു വേണ്ടി മറ്റുള്ളവര്‍ മയ്യിത്ത് നമസ്‌കരിക്കുന്നത് ഒരു ഉദാഹരണം. ഹസ്രത്ത് സഅ്ദുബ്‌നുഉബാദ(റ) ചോദിച്ചു. നബിയേ, എന്റെ ഉമ്മ മരിച്ചത് ഞാന്‍ നാട്ടിലില്ലാതിരുന്നപ്പോഴാണ്. ഉമ്മക്കായി ഞാന്‍ എന്തെങ്കിലും ദാനം ചെയ്യുകയാണെങ്കില്‍ അതവര്‍ക്ക് ലഭിക്കുമോ? നബി. 'അതെ.' തന്റെ ഫലഭൂയിഷ്ഠമായ തോട്ടം അദ്ദേഹം മാതാവിന്റെ പേരില്‍ ദാനം ചെയ്തു (ബുഖാരി).
9. ചോതി അഥവാ സ്വാതി (ARCTURUS) നക്ഷത്രമാണ് അശ്ശിഅ്‌റാ. ഉത്തരാര്‍ധഗോളത്തില്‍ കാണുന്ന വെട്ടിത്തിളങ്ങുന്ന ഒരു നക്ഷത്രമാണിത്. നേരിയ ഓറഞ്ചുനിറം. സൂര്യന്റെ ഇരുപതിരട്ടി പിണ്ഡവും അമ്പതിരട്ടി പ്രകാശവുമുള്ള ഇത് ഭൂമിയില്‍ നിന്ന് നാല്‍പത് പ്രകാശവര്‍ഷം (ഒരു പ്രകാശ സെക്കന്റ്:1,86,000 നാഴിക) വിദൂരതയിലാണ്. ചില അറബികള്‍ ഇതിനെ ആരാധിച്ചിരുന്നു. അതാണ് പ്രത്യേക പരാമര്‍ശത്തിന്റെ പ്രസക്തി. ആ നക്ഷത്രത്തെയും മറ്റെല്ലാ നക്ഷത്രങ്ങളെയും പ്രപഞ്ചം തന്നെയും സൃഷ്ടിച്ച അല്ലാഹുവിനെ ആരാധിക്കലാണല്ലോ ബുദ്ധിയും ന്യായവും എന്നു വ്യംഗ്യമായി സൂചിപ്പിക്കുകയാണ്.
أَفَرَءَيۡتَ ٱلَّذِي تَوَلَّىٰ ٣٣
وَأَعۡطَىٰ قَلِيلٗا وَأَكۡدَىٰٓ ٣٤
أَعِندَهُۥ عِلۡمُ ٱلۡغَيۡبِ فَهُوَ يَرَىٰٓ ٣٥
أَمۡ لَمۡ يُنَبَّأۡ بِمَا فِي صُحُفِ مُوسَىٰ ٣٦
وَإِبۡرَٰهِيمَ ٱلَّذِي وَفَّىٰٓ ٣٧
أَلَّا تَزِرُ وَازِرَةٞ وِزۡرَ أُخۡرَىٰ ٣٨
وَأَن لَّيۡسَ لِلۡإِنسَٰنِ إِلَّا مَا سَعَىٰ ٣٩
وَأَنَّ سَعۡيَهُۥ سَوۡفَ يُرَىٰ ٤٠
ثُمَّ يُجۡزَىٰهُ ٱلۡجَزَآءَ ٱلۡأَوۡفَىٰ ٤١
وَأَنَّ إِلَىٰ رَبِّكَ ٱلۡمُنتَهَىٰ ٤٢
وَأَنَّهُۥ هُوَ أَضۡحَكَ وَأَبۡكَىٰ ٤٣
وَأَنَّهُۥ هُوَ أَمَاتَ وَأَحۡيَا ٤٤
وَأَنَّهُۥ خَلَقَ ٱلزَّوۡجَيۡنِ ٱلذَّكَرَ وَٱلۡأُنثَىٰ ٤٥
مِن نُّطۡفَةٍ إِذَا تُمۡنَىٰ ٤٦
وَأَنَّ عَلَيۡهِ ٱلنَّشۡأَةَ ٱلۡأُخۡرَىٰ ٤٧
وَأَنَّهُۥ هُوَ أَغۡنَىٰ وَأَقۡنَىٰ ٤٨
وَأَنَّهُۥ هُوَ رَبُّ ٱلشِّعۡرَىٰ ٤٩
وَأَنَّهُۥٓ أَهۡلَكَ عَادًا ٱلۡأُولَىٰ ٥٠
وَثَمُودَاْ فَمَآ أَبۡقَىٰ ٥١
وَقَوۡمَ نُوحٖ مِّن قَبۡلُۖ إِنَّهُمۡ كَانُواْ هُمۡ أَظۡلَمَ وَأَطۡغَىٰ ٥٢
وَٱلۡمُؤۡتَفِكَةَ أَهۡوَىٰ ٥٣
فَغَشَّىٰهَا مَا غَشَّىٰ ٥٤
