ഭൂമി ഗുരുതരമാം വിധം പ്രകമ്പനം കൊള്ളുകയും അതിന്റെ ഭാരങ്ങള്‍ ബഹിര്‍ഗമിപ്പിക്കുകയും 'ഇതിന്ന് എന്തു സംഭവിച്ചു പോയി 'എന്ന് മനുഷ്യന്‍ ചോദിക്കുകയും ചെയ്താല്‍, അന്ന് -നിന്റെ രക്ഷിതാവ് ബോധനം നല്‍കിയതിനാല്‍-ഭൂമി അതിന്റെ വൃത്താന്തങ്ങള്‍ പറഞ്ഞറിയിക്കും1
1 വിശദീകരണം കാണുക
1. അന്ത്യനാളാണ് വിവക്ഷ. ചെറിയൊരു ഭൂചലനമുണ്ടാകുമ്പോഴേക്ക് തന്നെ മനുഷ്യര്‍ കെട്ടിടങ്ങളില്‍ നിന്നിറങ്ങി ചിന്നിച്ചിതറിയോടുന്നത് എല്ലാവര്‍ക്കുമറിയാം. പിന്നെ, ഖിയാമനാളിലെ സ്ഥിതി എന്തുപറയാന്‍? 1991 ഏപ്രില്‍ 29 ന് റഷ്യയിലുണ്ടായ ഭൂകമ്പത്തില്‍ 46000 വീടുകളാണ് തകര്‍ന്നത്. ഉച്ചക്ക് 1:13നായതിനാല്‍-ജനങ്ങളധികവും വയലുകളിലും മറ്റുമായിരുന്നു-മരണം മുന്നൂറോളമേ സംഭവിച്ചുളളു. 1999-ല്‍ തുര്‍ക്കിയിലുണ്ടായ ഭൂകമ്പത്തില്‍ നാല്‍പതിനായിരം പേരാണ് മരിച്ചത്. ഇങ്ങനെ ആധുനിക സുരക്ഷാസംവിധാനങ്ങളുള്ള ഈയടുത്ത കാലത്തു തന്നെ എത്രയെത്ര ഭൂകമ്പങ്ങളും ഗുരുതരനാശ-നഷ്ടങ്ങളുമുണ്ടായി!ഇതിലെ നാലാം സൂക്തം ഓതിക്കൊണ്ട് നബി(സ്വ) ഒരുനാള്‍ ചോദിച്ചു: എന്താണ് ഭൂമിയുടെ വൃത്താന്തങ്ങള്‍ എന്ന് നിങ്ങള്‍ക്കറിയാമോ? ...ഓരോ വ്യക്തിയും ഇന്ന ദിവസം ഇന്ന പ്രവൃത്തി ചെയ്തിരുന്നു എന്ന് അത് വെളിപ്പെടുത്തുന്നതാണ്-അതാണ് ഭൂമിയുടെ വൃത്താന്തങ്ങള്‍ (തുര്‍മുദി).